夜夜深鼾，全家心寒 — 教你三招改善鼻鼾問題

小編嘅朋友阿琳每晚最期待嘅，就係攤喺柔軟嘅床上享受美夢。不過，呢個簡單嘅願望，最近幾個月變得難以實現。原因唔係因為要照顧小朋友，亦唔係工作壓力，而係佢老公阿健每晚嘈過裝修嘅鼻鼾聲。

「最初都仲頂得住，但呢幾個月真係忍唔住，有時要半夜推醒佢。」阿琳好無奈咁講。而阿健都覺得好奇怪：「我一向瞓得好好，點解最近會咁嘈嘅呢？」鼻鼾呢個睇落好常見嘅問題，唔單止影響咗阿琳嘅睡眠質素，仲令佢哋成日因為夜晚瞓得唔好，脾氣差咗，多咗鬧交。

好彩，呢個故事並無就咁完結。通過幾個簡單嘅改變，阿健唔單止改善咗鼻鼾問題，仲同阿琳一齊重拾恬靜嘅夜晚，感情升溫。呢啲改變係咩？我哋一齊睇睇。

試想像下，本來好暢通嘅屯門公路，中間突然發生車禍大塞車，得返一條線可以行，好多司機因為塞車開始不停響咹，場面又混亂又嘈—呢個情況就同鼻鼾好類似。當我哋熟睡嘅時候，喉嚨嘅肌肉會鬆弛，令舌頭同軟組織下垂，如果阻塞咗呼吸道，空氣通過嘅時候就會產生震動，形成「呼嚕呼嚕」嘅鼻鼾聲。

鼻鼾唔單止影響睡眠質素，甚至可能係潛在健康問題嘅警號，例如睡眠窒息症。如果冇好好處理，長期落去會對身體同心理健康造成影響。

鼻塞係引致鼻鼾嘅主要原因之一，特別係對於季節性敏感嘅朋友，鼻腔內堆積嘅灰塵、塵蟎或者花粉，會令氣流無法順暢通過呼吸道，令鼻鼾進一步加劇。

鼻鼾同睡姿息息相關，其中仰睡係最容易引起鼾聲嘅睡姿。由於地心吸力嘅影響，當人仰睡時，舌頭、懸雍垂（吊鐘）同喉嚨肌肉會自然下垂，令呼吸道變窄，空氣通過時會震動喉嚨軟組織，形成鼻鼾聲。

如果睡姿唔啱，或者枕頭高度唔適合，令頭部過度後仰、下顎向上抬起，容易張口呼吸會同加重呼吸道壓力，令鼻鼾加劇。

對於有鼻敏感嘅人，鼻塞係鼻鼾其中一個主要原因，不過解決方法並唔難。只要每日用生理鹽水沖洗鼻腔，就可以有效清除多種致敏原，包括灰塵、寵物毛髮同塵蟎，幫助鼻腔回復暢通。特別係空氣污染較嚴重或者花粉量高嘅時候，定期清潔鼻腔不單止可以減少鼻塞問題，仲有助改善鼻鼾情況。呢個方法雖然簡單，但係特別有效。

上面講到，仰睡會令舌頭同喉嚨肌肉更容易阻塞呼吸道，而側睡就係針對呢個成因嘅最有效方法，因為側睡可以避免呼吸道因為舌頭、喉嚨肌肉及軟組織下塌而收窄，從而減少呼吸道嘅壓力，令鼻鼾聲減少甚至消失。

然而，要改變睡姿習慣並唔容易，尤其係瞓到半夜，身體好容易會無意識變返仰睡。呢個時候，你可以使用側睡專用嘅睡枕，幫助身體保持側睡、改善呼吸道嘅角度，減少鼻鼾問題。

枕頭嘅高度同設計，對於改善鼻鼾有至關重要嘅影響。如果枕頭過高或者過低，頸椎會出現不自然嘅彎曲，導致呼吸道受壓，進一步加劇鼾聲問題。因此，選擇適合自己需求同睡姿嘅枕頭，係改善鼻鼾嘅關鍵一步。

SINOMAX 提供咗多款特別為側睡人士而設嘅枕頭產品，幫助支撐頸部、保持呼吸道暢通，並提升整體睡眠質素：

Magic 5D 枕配備三層可自組結構，方便隨時調整軟硬度，滿足個人需要。配合 X-FOAM® 太空棉枕芯同石墨烯抗菌布套，提供貼服嘅頸部支撐同清爽嘅睡眠環境，令側睡更加舒適自然。

如果你追求更卓越嘅透氣同支撐效果，Hybrid AT 舒壓彈簧枕係理想選擇。佢結合咗 X-FOAM® 太空棉同高品質袋裝彈簧，配合 Allergen® Tech 減少過敏問題，再加上 OEKO-TEX 認證材料，確保健康安全。

ENPOWER®Pro 護頸枕運用先進銀離子抗菌技術，有效抑制 97% 常見細菌，保持枕頭清潔同衛生。同時，X-FOAM® 高密度太空棉結構提供穩定支撐，可根據個人需要調節棉層，實現更貼合頸部嘅支撐效果。

再講返阿琳同阿健嘅故事。當阿健開始用生理鹽水清潔鼻腔、側睡，再加埋用咗 SINOMAX 嘅太空棉枕頭後，鼻鼾嘅情況有咗明顯改善。「依家夜晚基本上聽唔到佢嘅鼻鼾聲，間房終於回復安靜，我瞓得好好多。」阿琳滿意咁笑住講。而阿健自己都覺得精神好咗，日間工作效率高咗，兩人嘅感情都變得更加好。

鼻鼾呢個睇落好常見嘅問題，其實會對生活同家庭關係產生唔少影響。但係，只要了解清楚佢嘅成因，再加埋簡單而有效嘅方法，每晚唔再「深鼾」，可以大大改善自己同家人嘅睡眠質素，每朝都更有活力精神。