小編以前眼光光、望天光嘅時候，都好想有個神奇開關，可以一「啪」即瞓。後來發現，原來真係有個科學方法可以觸發人體嘅「速睡開關」，只要做一個簡單呼吸法，就可以即刻放鬆身體，馬上入睡——呢個就係「4-7-8 呼吸法」！
咩係「4-7-8 呼吸法」？
「4-7-8 呼吸法」係由美國哈佛大學醫學博士 Andrew Weil 發明嘅簡單呼吸技巧，目的係透過有意識地控制呼吸，達到身心放鬆，從而改善睡眠質素。
「4-7-8 呼吸法」點樣做？
步驟非常簡單，唔需要任何道具，只需要搵個舒適嘅地方安靜幾分鐘就可以：
- 起手式：正式開始之前，先用舌尖頂住上顎／上排牙齒後面位置。用嘴巴呼氣，將所有嘅氣呼出，想像一下好似幫身體排毒咁。
- 4 秒吸氣：用鼻吸氣 4 秒，默數「1、2、3、4」。
- 7 秒閉氣：摒住呼吸 7 秒，呢個時候你嘅身體會慢慢放鬆落嚟。
- 8 秒呼氣：輕輕呼氣 8 秒，透過嘴巴發出「呼」嘅聲音，唔需要用力，保持自然嘅節奏。
重複以上步驟 4 次，整個過程大約 2 - 3 分鐘，十分簡單。
點解呢個方法咁有效？
「4-7-8 呼吸法」嘅原理係透過調節自律神經系統，尤其係負責鬆弛休息、消化、睡眠等嘅副交感神經系統，幫助你減慢心跳、降低血壓，令身體進入一個更加放鬆同容易入睡嘅狀態。
當你專注喺呼吸節奏嘅時候，腦袋自然而然會慢慢放空平靜落嚟。而且，柔慢綿長嘅呼氣動作可以令身體放鬆，會令你有種將壓力一呼而空嘅輕鬆感。
幾時用最好？
專家建議喺瞓覺之前做幾次「4-7-8 呼吸法」，當你瞓喺床上，覺得心煩意亂、入睡困難嘅時候，就可以開始用呢個方法放鬆身體。
其實，呢個方法唔單止可以幫助入睡，仲可以減輕焦慮，平日工作壓力大嘅時候，都可以隨時隨地用嚟平復情緒。
SINOMAX 好眠貼士
失眠唔係一朝一夕就解決到嘅問題，但通過小技巧，例如「4-7-8 呼吸法」，再選擇適合嘅床褥改善睡眠環境，都可以有效改善睡眠質素。
小編特別推薦以下幾款 SINOMAX 護脊太空棉床褥，幫你每晚享受更舒適放鬆嘅睡眠：
CEOx ULTRA 床褥
採用康綸纖維®抗菌布套、X-FOAM® 太空棉、DUO-AIR 透氣氣孔、AIR-CUT 切割技術、S-BODY 多層結構設計等多種黑科技，尊享 CEO 級奢華睡眠體驗。
OCTASPRING® 360° Plus 床褥
8 倍透氣嘅 OCTASPRING® 蜂巢彈簧結合 X-FOAM® 高密度太空棉，提供卓越透氣與支撐，令你每晚舒適入睡。
Hybrid 100 AS 床褥
UItra-CLOUD® 雲端太空棉與 Ultra-SPRING 彈簧結合，加上抗靜電技術，帶畀你零干擾、深層舒壓嘅睡眠享受。
「4-7-8 呼吸法」係幫助速睡嘅好方法，不過，培養良好嘅生活習慣亦同樣重要。定時作息、健康飲食同適量運動，都可以幫助你更加容易入睡。當然，記得仲要關注 SINOMAX 嘅社交媒體同「睡眠部落格」，同小編一齊學更多「好眠貼士」啦！
