「時型」—— 係科學，唔係「玄學」
呢個分類源於2017年，有三位諾貝爾生物醫學獎得主傑佛瑞・霍爾 (Jeffrey Hall)、麥可・羅斯巴希 (Michael Rosbash) 同麥可・楊 (Michael Young) 發現決定人類晝夜作息規律嘅基因。呢組基因決定咗每個人先天嘅「時型」(Chronotype)，並且會影響我哋嘅生理節奏，令我哋喺一日當中唔同時間會有唔同嘅精力同工作效率。
呢種生理規律係好難刻意改變，當我哋嘗試違反自己嘅基因設定，強行改變作息習慣，不單止無辦法提高工作效率，反而會因為無法達到期望而感到挫敗，仲有可能增加身心嘅負擔。所以，搵到屬於你嘅時型同適合嘅作息規律，係可以令你工作同休息嘅效果大大加分。
晨型人 vs 夜型人：你屬於邊種？
首先，等我哋簡單介紹下兩種人嘅特徵：
晨型人
- 活力高峰期：朝早5點至中午12點之間，晨型人通常喺呢段時間最有精神，頭腦最清醒。
- 作息習慣：晨型人鍾意早起，可能朝早6、7點鐘已經自然醒，會利用朝早嘅時間完成工作、運動或者讀書等活動。
- 夜晚狀況：到咗夜晚，晨型人容易疲倦，通常會比較早瞓，可能夜晚10點左右就已經入睡。
夜型人
- 活力高峰期：夜型人嘅活力通常集中喺夜晚6點至凌晨之間，呢個時候佢哋感覺最清醒，創造力同工作效率最高。
- 作息習慣：夜型人多數會遲啲瞓，甚至凌晨1、2點先瞓，但可以喺夜晚完成大量工作或者活動。
- 朝早狀況：夜型人可能會覺得朝早起身特別困難，甚至覺得精神恍惚，唔可以喺朝早集中精神。
如果你仲未清楚自己屬於邊一類，不如做個簡單嘅測驗，再睇睇有咩睡眠建議可以幫你改善作息，令生活更健康。
簡單測驗：你係晨型人定夜型人？
試下回答以下問題，幫你簡單了解自己嘅作息習慣，睇睇你屬於晨型人定夜型人：
1. 你通常喺夜晚幾點最容易入睡？
A. 夜晚10點之前
B. 夜晚12點之後
2. 如果無鬧鐘，你一般會幾點自然醒？
A. 朝早6點至8點之間
B. 朝早9點或之後
3. 你覺得自己喺邊段時間工作效率最高？
A. 朝早
B. 夜晚
如果你答案大部分係A，你好可能係晨型人，擅長喺朝早完成工作，並且早睡早起。相反，你應該係夜型人，更鍾意夜晚工作，並且夜瞓遲起。
測試你時型嘅其他方法
- 問卷測試：網上有好多問卷可以幫你快速了解自己嘅作息習慣，但可能冇基因檢測咁精確。
- 基因檢測：通過分析你嘅基因，可以更準備咁了解你天生嘅生理時鐘，但成本較高。
- 自行記錄：根據專家建議，你可以用以下方法了解自己嘅時型：
- 記錄每日入睡同起身時間，搵出規律。
- 留意自己喺唔同時間段嘅精神狀態，搵出高峰同低谷時刻。
- 調整作息，試下提早或者延遲入睡時間，觀察會唔會對你工作效率有影響。
睡眠建議
晨型人
你一般都較早起，但要保持良好嘅睡眠質素，仲有以下地方要注意：
- 維持規律作息：晨型人通常都鍾意早睡早起，但都要確保瞓夠7-9個鐘，唔好因為早起而犧牲瞓覺時間。
- 避免夜晚飲咖啡：由於晨型人夜晚會比較攰，太晏飲咖啡可能會影響睡眠質素。
- 保持日間活動：充分運動有助晨型人保持夜晚入睡快，同時維持日常能量。
夜型人
你往往會比較夜瞓，但朝早工作可能都需要早啲起身，點樣先可以平衡作息？
- 調節生理時鐘：夜型人可以透過逐步提早睡覺時間，令自己適應早起生活，同時保持日間嘅清醒。
- 減少晚間光線：夜型人通常夜晚比較精神，所以喺瞓覺前應該盡量減少使用電子產品，避免藍光干擾睡眠。
- 下午避免小睡：夜型人有時會因為日頭攰而小睡一陣，但如果要改善作息，就要盡量避免下晏瞓覺，令夜晚更容易入睡。
晨型人 vs 夜型人 —— 揀啱床褥，工作生活更加分
無論你係晨型人定夜型人，揀啱床褥都可以大大提升你嘅睡眠質素，令你工作生活都可以充滿活力。以下就係分別為晨型人同夜型人推薦嘅 SINOMAX 床褥產品，幫你調整最適合你作息習慣。
晨型人
晨型人通常早睡早起，對睡眠質素要求較高，而且傾向長時間保持穩定睡眠，一般會比較注重床褥嘅承托性同透氣性，並需要良好支撐，減少夜晚翻身次數。
Hybrid 200 Pro 床褥
床褥結合 Ultra-SPRING 獨立袋裝高碳鋼彈簧以及 Ultra-CLOUD® 雲端太空棉，具備卓越嘅支撐同柔軟舒適度，能讓完美承托身體，同時有效吸收因睡姿改變而產生嘅震動，確保枕邊人嘅動作唔會打擾到晨型人。
夜型人
夜型人較夜入睡，作息時間較不規律，因此更需要床褥提供良好舒壓同靜音效果，確保佢哋可以喺短時間內獲得高質素嘅深層睡眠。床褥嘅抗菌同靜音功能強尤為重要，令夜型人可以享受更安靜、更清新嘅睡眠環境。
CEO ENPOWER 銀離子抗菌床褥
床褥採用銀離子抗菌技術，全天候抗菌防臭，適合夜型人需要長時間保持清新、衛生的床鋪環境。而且它結合了高承托和防震技術，FoamShield® 護邊能提供穩定支撐，適合經常翻身的夜型人。
雖然我哋無得選擇每朝幾點返工，但我哋可以選擇每晚點樣令自己休息得更好。無論你係晨型人定夜型人，了解自己嘅生理時鐘，再揀一張適合自己作息嘅床褥，先至係享受生活嘅關鍵。小編希望呢篇文章幫到你了解自己嘅需要，迎接更精神嘅每一日！
